Нұр-Сұлтанда «KazAgro/KazFarm-2021» көрмесі ашылды - «Qazaqstan» Ұлттық телеарнасы

Нұр-Сұлтанда «KazAgro/KazFarm-2021» көрмесі ашылды

21.10.2021

«ЭКСПО» көрме орталығында ауылшаруашылығы саласына арналған халықаралық көрме ашылды. Әлемнің 20 елінен келген агрокомпаниялардың өнімдері көрме кешеніне жайғасқан. Онда түрлі техника мен ауылшаруашылығы тауарлары және агро өнеркәсіп саласына қажетті қызметтер бар. Бұл - ауылшаруашылығы саласы мамандарының тәжірибе алмасуына таптырмайтын алаң.

Мұнда түрлі оқу семинары да өтіп жатыр. Заманауи техникалардың таныстырылымы мен аукциондар ұйымдастырылған. Көрмеге келген қонақтар мұндай ірі агроөндірістік көрме кәсіпкерліктің дамуына жол ашады дейді.

Шейх Билал Хан, Халықаралық IFPA бас директоры:

Қазір әлемде азық-түлік қауіпсіздігі мәселесі өте күрделі болып тұр. Осындай алаңдар өз өнімдерімізді өткізу мен әріптестік байланысты нығайтуға үлкен септігін тигізеді. Көрме аясында біз осы елге инвестция тарту мәселесіне мән беріп, оны шешу жолдарын талқылаудамыз. Мұның өзі аграрлы аймақтарда кәсіпкерлікті дамытуға үлес қосады.


Нұр-Сұлтан KazAgro/KazFarm-2021 көрме

Хабарламаларға жазылу