Жаңалықтарды Telegram арнамыздан оқыңыз!Батыс Қазақстанда мониторингтік топтар кәсіпорындарды жаппай тексеруге шығады. Егер ұжымда екпе алған қызметкерлер үлесі 60 %-ға жетпесе, мекемеге айыппұл салынады. Шағын бизнес өкілдеріне - 670 мың, ірі кәсіпорындарға 4,6 млн теңге. Өңір сары аймаққа өтті, эпидахуал тұрақты. Дегенмен, Ресейдің көршілес аймақтарында дерттің өршуіне орай осындай қатаң шара қолға алынды.
Мұқамғали Арыспаев, облыстың бас санитар-дәрігері:Мониторингтік топтар вакцинация 60%-дан төмен мекемелерге барып, тексеріп, жұмыстарын жалғастыра алады. Егерде екпе алмаған адамдар жұмыста жүретін болса, олардың тізімін беріп, материалдарды бізге жібереді. Сосын материал түскеннен кейін біз қаулы шығарып, 425-бапқа сәйкес айыппұл салуға болады.
Ардақ Мұратқызы
