Ұлттық жобалар - кәсіпкерліктің дамуына кең өріс ашады - «Qazaqstan» Ұлттық телеарнасы

Ұлттық жобалар - кәсіпкерліктің дамуына кең өріс ашады

19.10.2021

Ұлттық жобаларды сәтті жүзеге асыру - елдің әлеуметтік экономикалық жағдайын жақсартады. Электр энергиясын өндіретін компаниялар шикізатты биржа нарықтары арқылы сатып алуы тарифтердің төмендеуіне сеп болады. Бұл жайында биржа нарығының мамандары мәлімдеді.

Ұлттық жоба арқылы баға белгілеудің бұрмалануын жойып қана қоймай, биржалық сауданы дамыту мүмкіндігі бар. Биржалық сауда-саттық көлемін ұлғайту мен биржадан тыс мәмілелердің кемінде 50%-ын тіркеуге де жол ашылады. Осылайша электр энергиясын өндіруге қажетті шикізат нарығын биржалық саудамен қамту арқылы делдалдардың бағаны көтермеуін бақылауда ұстауға болады дейді мамандар.

Эрик Танаев, «Каспий» тауар биржасының президенті:

Биржалық сауда арқылы мүдделі органдар баға көрсеткішін бақылап отыра алады. Мәселен, Қаражыраның көмірі қара базарда 16-18 мың теңгеден саудаланса, биржа бағамы бойынша 6 мың теңгені құрайды. Биржа саудасы арқылы екі есе қаржы үнемдей аласыз. Бұл - кәсіпкерліктің дамуына кең өріс ашады.


Хабарламаларға жазылу