Ең төменгі зейнетақы күнкөріс минимумының 70 пайызын құрайтын болады - министрлік - «Qazaqstan» Ұлттық телеарнасы

Ең төменгі зейнетақы күнкөріс минимумының 70 пайызын құрайтын болады - министрлік

04.10.2021

Елде зейнетақының ең төменгі мөлшерін ең төменгі күнкөріс деңгейінің 54 пайызынан 70%-на дейін өсіру қажет. Еңбек министрлігі зейнетақы жүйесін жаңғыртудың 2030 жылға дейінгі тұжырымдамасына түзетулер әзірлеп, осындай ұсыныс енгізді. Сонымен бірге онда зейнетақы мөлшерін шектеуді алып тастау туралы жазылған. Мәселен, қазір 33 жылдық қызмет өтіліне 1 ең төменгі күнкөріс деңгейі ең жоғары шектеу деп есептеледі. Құжатта тұрғындар үшін зейнеткерлікке шығуды «кейінге шегеру» құқығы қарастырылған. Мамандардың айтуынша, бұл болашақта ең төменгі кепілдендірілген зейнетақыны жоғары мөлшерде алуға мүмкіндік береді. Сондай-ақ, 2023 жылдан бастап жұмыс берушілер қызметкерінің пайдасына міндетті 5% зейнетақы жарнасын аударады. 

Ақерке Бектас

Хабарламаларға жазылу