Жаңалықтарды Telegram арнамыздан оқыңыз!Футзалдан Қазақстан құрамасы ақтық сынға өте алмай қалды. Жартылай финалда жерлестеріміз Португалиямен терезесі тең өнер көрсетті. Тіпті екінші кезеңнің соңына дейін есепте алда тұрған. Бірақ, ойын екіде екі деген тең есеппен аяқталып, экстра таймға ұласты. Қосымша уақытта да ойынды тең аяқтаған екі ел құрамасы кім мықтыны пенальтиде анықтады. Өкінішке орай жерлестеріміздің жолы болмады. Ал асығы алшысынан түскен португалдар финалға жолдама алды. Енді Қазақстан құрамасы 3 қазан күні қола жүлде үшін Бразилиямен бақ сынайды.
