Жаңалықтарды Telegram арнамыздан оқыңыз!Сенат төрағасы Мәулен Әшімбаев Қазақстанға ресми сапармен келген Тәжікстан Республикасы Оли Мажлисі Милли Мажлисінің төрағасы Рустами Эмомалимен кездесті. Екі елдің Сенат спикерлері екіжақты және көпжақты ынтымақтастықтың барлық салалары бойынша сындарлы диалогты қалыптастырудың маңыздылығын атап өтті. Өзара парламентаралық іс-қимылдың дамуына жаңа серпін беру үшін ынтымақтастық туралы келісімге қол қойды. Құжат парламентаралық әріптестік жөнінде тұрақты комиссия құруды көздейді.
Мәулен Әшімбаев, ҚР Парламенті Сенатының төрағасы:Қазақстан Президенті Қасым-Жомарт Тоқаевтың биылғы мамырда Тәжікстанға жасаған ресми сапары аясында өзара қарым-қатынастарымызды одан әрі нығайтудың келешегі айқындалды. Екі ел Президенттері орнатқан ынтымақтастықтың жоғары деңгейін Қазақстан мен Тәжікстан парламенттері байланыстары бойынша қолдау мен ілгерілетудің маңызы зор.
