Қарағандыдағы қайта өңдеу кәсіпорнында өрт шықты

 Қарағанды Сұрыптау станциясындағы қайта өңдеу кәсіпорнының аумағында ірі өрт болды. 1000 шаршы метрдей аумақ отқа оранды. Зауыт аумағында көлік шиналары өртенген. Олар тез жанатын болғандықтан жалын ұзақ уақыт ырық бермеді. Өртті сөндіруге 12 техника, оның ішінде 30 тонналық автоцистерна, төтенше жағдай қызметінің 45 маманы жұмылдырығлоағн.

Сондай-ақ 100 тонна сыйымдылығы бар өрт сөндіру пойызы да тартылды. Абырой болғанда ешкім зардап шекпеді. Сол аумақтағы ғимараттар мен тұрғын үйлерге де қауіп төнген жоқ.