Маңғыстауда жол апатынан 5 адам қаза тауып, 4 жасөспірім зардап шекті - «Qazaqstan» Ұлттық телеарнасы

Маңғыстауда жол апатынан 5 адам қаза тауып, 4 жасөспірім зардап шекті

16.09.2021

Маңғыстауда жол апатынан 5 адам қаза тапты. Кәмелет жасына толмаған 4 жеткіншек ауыр дене жарақаттарымен ауруханаға жеткізілген. Оның ең кішісі - 1,5 жаста. Өңірдегі тілшіміз Аягөз Оралбайқызы тікелей байланыста. 

Аягөз Оралбайқызы, тілші:
Қайғылы оқиға Ақтау-Жаңаөзен тас жолының 52-ші шақырымында кеше түнгі екілер шамасында болған. Lexus көлігінің жүргізушісі көлікті басқара алмай, аударылған. Салдарынан 2 ер адам, 3 әйел адам қайтыс болды. Көлік жүргізушісі 27 жастағы қыз да оқиға орнында тіл тартпастан кетті. Сондай-ақ, қаза болғандардың арасында 31 жастағы жүкті әйел бар. Тағы 4 жасөспірім ауыр дене жарақатымен, Жетібай ауылындағы ауруханаға жеткізілген. Балалардың ең кішісі 2-ге де толмаған. Түнде 8 жасар жеткіншекті Ақтау қаласындағы облыстық балалар ауруханасына әкелді. Жағдайы өте ауыр, жасанды тыныс алу аппаратына қосылған.  Осы оқиғаға байланысты қылмыстық іс қозғады. Арнайы сараптамалар тағайындалып, тергеу жүріп жатыр. 

Аягөз Оралбайқызы

Хабарламаларға жазылу