Куба өзі жасаған үш вакцинаны ДДСҰ-да мақұлдатуға күш салмақ - «Qazaqstan» Ұлттық телеарнасы

Куба өзі жасаған үш вакцинаны ДДСҰ-да мақұлдатуға күш салмақ

16.09.2021

Куба өзі жасаған үш вакцинаны Дүниежүзілік денсаулық сақтау ұйымында мақұлдатуға күш салмақ. Бұл екпелер «Абдала», «Соберана-2» және «Соберана-Плюс» деп аталады. Олар жақында тіпті 2 жасар балаларға да салына бастады. Аралдық мемлекет қараша айына дейін халқының 90 пайызын иммундауды жоспарлап отыр.

Өткен аптада Кубада күн сайын 7 жарым мың адамнан коронавирус табылып, тәулігіне 80-ге жуық адам қайтыс болды. Дегенмен, бұл көрсеткіштер тамыздағы статистикадан әлдеқайда төмен екен.

Жергілікті дәрігерлердің сөзінше, Иран мен Вьетнамда да өндіріле бастаған кубалық вакциналардың тиімділігі 90 пайыздан кем емес. Дегенмен, кейбір сыншылар бұл нәтижелердің сарапшылар талдауынан өтпегеніне шағымданып отыр.

Арыстан Рысбек


Хабарламаларға жазылу