Жаңалықтарды Telegram арнамыздан оқыңыз!Шығыс Қазақстан облысының полицейлері жалған вакцина паспортын жасап сатумен айналысқан медицина қызметкерін ұстады.Ұлан ауданындағы емхананың бірінде жұмыс істейтін 54 жастағы қызметкер ақшалай сыйақы үшін жекелеген азаматтарға екпе салдырмай -ақ қызмет көрсетіп келген. Ал препараттың бірінші компоненті бірден жойылып отырған. Қазір бұл іс тергеліп жатыр.
Нұрай Арыстанбек, ШҚО ПД Криминалдық полиция басқармасының жедел уәкілі:
Аталған медицина қызметкері әрекетттеріне ҚР Қылмыстық кобексінің 385-бабы бойынша тиісті процессуалдық баға беріледі. Қазіргі уақытта тергеу амалдары жүргізілуде. Күдікті осындай заңсыз қызмет көрсетуі мүмкін деген тұлғалар анықталуда.
Батыс Қазақстанда да Қарашығанақтағы кен игеруші компанияның 4 жұмысшысы жалған екпе құжатымен ұсталды. Олар - кен игеруші кәсіпорынның техникалық қауіпсіздік бөлімі қызметкерлері. Жалған құжатты қызметінде пайдаланғаны үшін олар қылмыстық жауапкершілікке тартылды.
Ардақ Мұратқызы
