Солтүстік Қазақстан университетінің 600 студентіне жатақханадан орын жетпей қалды - «Qazaqstan» Ұлттық телеарнасы

Солтүстік Қазақстан университетінің 600 студентіне жатақханадан орын жетпей қалды

31.08.2021

Манаш Қозыбаев атындағы Солтүстік Қазақстан университетінің 600 студентіне жатақханадан орын жетпей қалды. Өңірдің бас мемлекеттік санитар дәрігерінің қаулысына сәйкес, 1 бөлмеде екі адам ғана тұруы тиіс. Оқу орнының 1500 орынға шақталған 3 жатақханасына 700-ден астам студент орналастырылған.

Әзиза Әкімжанова, студент:
Бір-екіні ғана кіргізіп жатыр. 3-ші курсқа мүлде мүмкіндік жоқ. Квартира ойлаудың өзі қорқынышты. 100-120 мың. Универдің маңайында мүлде квартира жоқ. Шет жақ. Шет жақ болса да алар едік. Оның өзі 120 мың сұрап тұр.

 Университетте 7 мыңға жуық студент білім алады. Олардың жартысына жуығы басқа өңірлер мен ауылдық жерлерден келген. Жатақханадағы орындар бірінші кезекте көпбалалы отбасылардан шыққан және мүгедектігі бар студенттерге берілген.

Жанар Таласпаева, академиялық қызмет департаментінің директоры:
Университет жай жатқан жоқ, қонақ үйлерді, хостелдерді қарастырып, қолжетімді бағамен студенттерге бөлмелерді өздігінен ұсынуларына ұсыныс жасап жатыр. Бос орындарды іздестіру үстінде.

Эльмира Кәленова

Хабарламаларға жазылу