Шымкенттік жүргізушілер жарылыстан зардап шеккендерге көмек көрсетпек - «Qazaqstan» Ұлттық телеарнасы

Шымкенттік жүргізушілер жарылыстан зардап шеккендерге көмек көрсетпек

27.08.2021

Жарылыстан зардап шеккен тұрғындарға көмектесу үшін Шымкенттен ондаған көлік жүргізушісі Таразға жолға шықты. Такси қызметін көрсететін қосымшаларға шымкенттік азаматтар «Қалаға бара жатырмыз, қауіпсіз жерге тегін жеткіземіз» деп хабарлама таратқан. Сонымен бірге әлеуметтік желі қолданушылары аймақтағы тұрғындарға көмек көрсету үшін жазба қалдырып жатыр. Еске салайық, Жамбыл облысындағы әскери бөлімдегі жарылыстан соң елдімекен тұрғындары үйлерін тастап, қалаға қашқан еді.

Бақыт Омаров, Шымкент қаласының тұрғыны:
Кеше тараздықтарға қолдан келгенше жәрдемдестік. Тағы да көмектесуге дайынбыз. 30 альфард, 20 шақты жеңіл көлік болып барып, біраз адамдарды алып келдік Шымкентке. Қолдан келгенше жәрдемдесейік, ағайындар.


Хабарламаларға жазылу