Жаңалықтарды Telegram арнамыздан оқыңыз!Тәуелсіздіктің 30 жылдығы қарсаңында 30 дизайнер марапатталды. Ұлттық дизайн академиясы мен Еуразиялық дизайнерлер одағы ұйымдастырған «Жасампаздық пен шығармашылық» атты семинарда дизайн мен этнодизайн саласын дамытуға үлес қосып, Республикалық, халықаралық көрмелерде өз туындысын халық назарына ұсынып жүрген, ұлттық құндылықтарымызды насихаттап, ерекше шығармашылық қабілетін көрсеткен дизайнерлерге арнайы номинациялар табысталды. Комиссия мүшелері бұл жолы басымдықты ардагер мамандар мен жастарға беруді құп көрген. Сондай-ақ, жиында экологиялық дизайн саласын дамыту жоспарлары да талқыланды. Марапатталған мамандар өз жетістіктерінің қыр-сырымен бөлісті.
Ермек Асылханов, Ұлттық дизайн академиясының төрағасы:Өзіміздің Қазақстанның дизайнерлерінің жұмыстарын шетелге жеткізу, сосын сол жақтағы шеберлердің жұмысын біздің бұқара қауыммен таныстыру, одан кейінгі ең үлкен мақсатымыз өзіміздің этнодизайнды жолға қою, дамыту.
Ақниет Балтанова
