Жаңалықтарды Telegram арнамыздан оқыңыз!Талғар өзенінде балықтар қырылып жатыр. Дабыл қаққан Алматы облысы Еңбекшіқазақ ауданының тұрғындары балықтың өлекселерін видеоға түсіріп әлеуметтік желіге жүктеген. Жұрт осы маңдағы ірі шаруашылық сиырдың тезегін өзенге төгеді, бұл оқиға жылда қайталанады деп отыр. Алайда бұл ақпарат расталмады. Балық инспекциясының мамандары мәселенің анық-қанығын тексерді. Сүт фермасынан өзенге қарай тартылған құбыр не арық табылмады. Бірақ өзен суының түсі өзгерген, жағымсыз иіс бар дейді мамандар. Балықтың қырылу себебін нақтылау үшін сараптама жасалады.
Айнұр Қалдаева, Балқаш-Алакөл Облысаралық бассейндік балық шаруашылығы инспекциясының бас маманы:Зерттеу сынамаларын зертханаға жібердік. екі-.үш күнде нәтижелері дайын болады. Сол кезде нақты балықтың неден қырылғанын айта аламыз.
Қуаныш Қанатұлы
