Даккада өрттен 52 адам қаза тапты - «Qazaqstan» Ұлттық телеарнасы

Даккада өрттен 52 адам қаза тапты

09.07.2021

Бангладеш астанасы Даккада қайғылы оқиға. Қала сыртындағы өндіріс ғимаратында алапат өрт тұтанып, 52 адам қаза тапты. 30-ға жуық адам құтқарылды. Жапа шеккендердің көбі өрттен құтылмақ болып, жоғарғы қабаттардан секірген кезде жараланған. Жергілікті биліктің мәлімдеуінше, құрбандар саны өсуі мүмкін. Төтенше жағдай кезінде ғимарат ішінде 7-8 мыңдай адам болған.

Өрт сөндірушілер үйінді астында қалғандарды толық шығарып біткен жоқ. Айта кету керек, бір тәулік бойы жанған 7 қабатты ғимаратта жеміс шырындарын, орауыш материалдар және пластик бұйымдарды шығаратын 3 бірдей зауыт орналасқан.

Қазір өрттің неден шыққаны анықталып жатыр. Алдын ала болжамдарға қарағанда, өрт ғимараттың бірінші қабатындағы қоймада тұтанған болуы мүмкін. 

Арай Төлегенқызы

Хабарламаларға жазылу