Жаңалықтарды Telegram арнамыздан оқыңыз!Жамбыл облысында үш адамнан ковидтің үнді штамы анықталды. Қазір індет жұқтыру көрсеткішіне сай өңір сары аймақта. Облыстың бас санитарлық дәрігерінің қаулысы бойынша шектеу енгізіліп, көпшілікке арналған мәдени шаралар өткізуге тыйым салынды. Ал, әлеуметтік нысандар санитарлық талаптарды сақтай отырып, жұмысын жалғастыра береді.
Батыс Қазақстанда зертханаға жіберілген 18 сынамадан үнді штамы анықталды. Өңірде ауру жұқтырғандар көбейді. Соған сай карантиндік шектеу шаралары күшейтілді. 10 - шілдеден бастап саябақ, тынымбақтарда скутер, самокаттарды жалға беруге тыйым салынады. Ашық алаңдағы аттракцион жұмысы тоқтатылады. Бассейн, СПА-орталықтардың жұмыс уақыты шектеледі.
