Әлемде коронавирустан қайтыс болғандар саны 4 млн-нан асты - «Qazaqstan» Ұлттық телеарнасы

Әлемде коронавирустан қайтыс болғандар саны 4 млн-нан асты

08.07.2021

Әлемде коронавирустан қайтыс болғандар 4 миллионнан асты. Мұны АҚШ-тағы Джонс Хопкинс университеті хабарлап отыр. Дүниежүзілік денсаулық сақтау ұйымының мәліметінше, қаңтарда күніне 18 мыңдай адам көз жұмған еді. Сәл кейінірек вакциналау қарқын алғандықтан, құрбандар саны тәулігіне 7900-ге дейін азайды. Ал, Францияда ковид жұқтырғандардың 40 пайызға жуығынан үндістандық «дельта» варианты табылған. Жергілікті үкімет медицина қызметкерлерін вакцина алуға міндеттеу мәселесін қарастырып жатыр. 

«Дельта» нұсқасы қазір Таяу Шығысты да шарпып, Иранды ересек адамдарға екпе салу науқанын жеделдетуге мәжбүрлеп отыр. Сонымен қатар, Ислам Республикасының астанасы Тегеран мен 91 қала қауіптілігі жоғары «қызыл» аймақ деп жарияланды.

Арыстан Рысбек

Хабарламаларға жазылу