Депутаттар өңірлерді аралауды бастады

Мәжіліс депутаттары өңірлерді аралауды бастап кетті. Еліміздің әр аймағына барып, жергілікті тұрғындармен кездесетін олар, әлеуметтік жобалардың қалай іске асып жатқанына баса мән бермек. Мәселен бүгін бір топ халық қалаулысы Нұр-Сұлтандағы «Қамқорлық» балаларды оңалту орталығына барды. Онда ерекше қажеттілігі бар ұл-қыздарға қандай көмек көрсетіліп жатқанын көрді. Былтыр ашылған мекемеде түрлі ауруға шалдыққан 300-ден астам бала оңалтудан өткен. Депутаттардың айтуынша елімізде медициналық көмекке мұқтаж балалар көп. Бірақ оңалту орталықтары жеткіліксіз.

Динара Закиева, ҚР Парламенті Мәжілісінің депутаты: 

Қазақстанда ерекше қажеттіліктері бар 94 мың бала бар. Оларды оңалту керек. Соған байланысты Елбасы бастамасымен былтыр 8 орталық ашылды. Ал 2021 жылы тағы осындай 10 оңалту орталығы ашылады.

Досжан Маратұлы