Батыс Қазақстанда той жасағандардың аты-жөні баспасөзде жарияланады

Батыс Қазақстанда бұдан былай тығылып той жасағандардың аты-жөні баспасөзде жарияланады. Тыйым салынғанына қарамастан, өңірде жиын –той тоқтар емес.

Өткен аптада мониторингтік топ тағы жеті мейрамханада өтіп жатқан тойды тоқтатты. Карантин шарасын бұзғандар қатарында «Самал», «Әмина», «Арбат» секілді бірнеше мейрамхана бар. Бұл нысанның иелері әкімшілік жазаға тартылады. Жалпы жыл басынан бері карантин талабын сақтамаған 198 дерек тіркеліп, 7 млн теңгеден астам айыппұл салынған.

Ғали Есқалиев,  облыс әкімі: 

Осыдан бастап барлық санитарлық талаптарды бұзған кісілердің, тек тойхана иесін емес, той иесінің де аты-жөндерін БАҚ өкілдеріне береміз. Қалыпты жұмысқа оралу үшін барлығымыз шектеу шараларын қатаң сақтап, тиісті тәртіпке бағынуымыз керек.

Ардақ Мұратқызы