Жамбыл облысында коронавирус жұқтырғандар саны өсіп барады

Ал, Жамбыл облысы көршілес аймақтармен шекараны жабуы мүмкін. Қауіпті індет өршуін тоқтатпаса атқарушы билік осындай амалға баруға мәжбүр. Өйткені вирус жұқтырғандар саны өсіп барады. Соңғы бір аптада 214 адамнан ковид белгілері анықталды. Қазір инфекциялық ауруханада 423 науқас ем қабылдап жатыр. 35 адамның жағдайы ауыр. Мамандардың мәліметінше аймақтағы ауру жұқтыру көрсеткіші 2,2 пайызға жеткен. Қазір сақтық шаралары күшейіп жатыр.

Әсет Қалиев, Денсаулық сақтау басқармасының басшысы:
Қайтадан кереует қорын дайындау бойынша жұмыстар жүріп жатыр. Қосымша дәрі-дәрмектердің қорын жасау, Қорғаныш киімдер тб нәрселер қатаң бақылауда. Бізде қажеттілік болса қосымша кереуеттерді ашуға мүмкіншілік бар. Жалпы 4760 инфекциялық кереует 501 реанимациялық кереуетті қосымша ашуға мүмкіндіктер бар.

Айта кетейік, Қостанай облысында да ковидке шалдыққандардың саны артқан. Апта басталғалы індет жұқтырған 45 адам анықталды. Қазір науқастардың барлығы инфекциялық ауруханада ем қабылдауда.

Сәбит Әлдебай