Жаңалықтарды Telegram арнамыздан оқыңыз!Тісін емдеуге барып, ес-түссіз күйге түскен 3 жастағы бүлдіршін кеше ауруханада көз жұмды. Анастасия Зеленаяны былтыр анасы елордадағы жеке емханалардың біріне тіс жегін емдеуге апарған. Бүлдіршінге жасалған анестезиядан кейін қыз бала анафилактикалық шок алып, ауыр халде ауруханаға жеткізіледі. Содан бері 1 жарым жыл төсекке таңылған Анастасияның беті бері қарамады. Арнайы комиссияның тексерісінен кейін стоматологтың кішкентай қызға 4 жастан кейін салынатын анестетикті қолданғаны белгілі болды. Соған қарамастан клиника әлі де жұмысын жалғастырып жатқан көрінеді. Бауыр еті баласынан айырылған ана әділдікке жету үшін соңына дейін күресетінін айтып әлеуметтік желігі пікір қалдырған.
