Жаңалықтарды Telegram арнамыздан оқыңыз!Алматы облысында жантүршігерлік жол апатынан 7 адам көз жұмды. Арасында 16,13, 8 жастағы балалар мен 4 айлық сәби де бар. Өткен демалыста кешкі сағат жетілер шамасында Алматы - Көкпек - Көктал тасжолында екі жеңіл автокөлік соқтығысқан. Апат салдарынан екі көліктің де жүргізушісі және үш жолаушысы оқиға орнында жан тапсырды. Тағы екі адам Шелек ауылындағы ауруханада көз жұмған.
Ақбота Әзірбек, Алматы облыстық полиция департаментінің ресми өкілі:
Тағы үш жолаушы түрлі дене жарақатымен ауруханаға түсті. Қазір аталған факті бойынша ҚР ҚК 345-бабының 4-бөлігі бойынша сотқа дейінгі тергеу басталды. Көлік апатына не себеп болғаны тергеу барысында анықталады.
Жазира Оразқызы
