Түркістан облысында оқушы өлімінен кейін мектеп директоры қызметінен шеттетілді

Түркістан облысында 9-шы сынып оқушысы мемлекеттік емтиханнан кейін өз өзіне қол жұмсаған соң, мектеп директоры уақытша қызметінен шеттетілді. Қазір Ордабасы ауданына қарасты Көгарал ауылындағы мектеп ұжымын полиция әлі тергеп жатыр. Тергеу аяқталғанға дейін басшыны қызметінен уақытша босату туралы шешім қабылданған. Бақилық болған қыздың ата-анасы перзентінің өліміне емтихан кезінде ауыр сөздер айтқан мектеп директоры кінәлі деп, құзырлы органдардан істің ақ-қарасын анықтауды сұраған болатын.

Айнұр Ақбаева