Жаңалықтарды Telegram арнамыздан оқыңыз!Батыс Қазақстанда Бөкей хандығының бас имамы болған тархан Жабир Хамадұлының жеке Құран кітабы табылды. Құнды жәдігерді музей-қорығына ауыл тұрғыны табыс етті. Жабир Хамадұлы хан ордасына Бөкей сұлтан тұсында келіп, Жәңгірді оқытқан. Қазы, ахун, мұғалім болған. Тарихшылар имамның халықты ағарту саласында айтулы еңбек сіңіргенін айтады.
Гүлмару Мырзағалиева, Хан Ордасы музей-қорығының ғылыми хатшысы:
Кітаптың алғашқы бетінде «Бұл кітаптың иесі, қазы, ахун, тархан Жабир Хамадұлы мөрімді бастым» деген жазуы бар және мөр соғылған. 1826 жылдан ахун қызметіне тағайындалып, Жәңгір хан тұсында қази, тархан дәрежелерін алған.
Ардақ Мұратқызы
