Қостанай облысында пойыз жолаушысының 117 млн теңгесі ұрланды

Алматы – Қостанай пойызында 22 жастағы бойжеткеннің 116 900 мың теңгесі ұрланған. Кеш түскесін ұйықтап кеткен жолаушы «Жақсы» станциясында оянғанында ақша салынған сөмкесінің жоғалғанын байқайды. Дереу көлік полициясы департаментінің қызметкерлеріне хабарласқан. Полиция тәжірибелі қызметкерлерден жедел – тергеу тобын құрып, жақын маңдағы теміржол көліктері мен елді мекендерде іздестіру шараларын жүргізген. Соның арқасында куәгерлер табылып күдіктілердің фотороботы жасалды. Арада сегіз күн өткенде ұрылар табылды. Олардан 12 млн 620 000 теңге мен 198 мың 500 АҚШ доллары тәркіленді. Қалған ақшаны екі көлік сатып алуға жұмсап үлгеріпті. Күдіктілер қамауға алынып, қылмыстық іс қозғалды. 

Дәуренбек Әбдібек