Жамбыл облысында зейнеткердің 15 жылқысын айдап кеткен ұрылар ұсталды

Жамбыл облысында жетпіске келген қарияның 15 бас жылқысын қолды қылған қарақшылар ұсталды. Барымтаға барғандар ізін суытпай анықталып, қамауға алынды. Олар - Жамбыл және Алматы облысының үш тұрғыны. Полицейлердің мәліметінше, ұрылар зейнеткерді 9 млн теңге шығынға ұшырата жаздады. Абырой болғанда, жоғалған жылқылар Алматы облысы аумағынан табылып, иесіне қайтарылды. Қазір тергеу жүріп жатыр.

Нұржан Қалметов, Жамбыл облысы Полиция департаменті басшысының орынбасары:
Үш күдікті анықталып, ұсталды.Олар 29 және 28 жастағы екі ер адам Жамбыл облысы Байзақ ауданының тұрғындары Олар өз кінәсін мойындады. Қазіргі уақытта сотқа дейінгі тергеу амалдары жүргізілуде.

Сәбит Әлдебай