Жаңалықтарды Telegram арнамыздан оқыңыз!Мәскеуде қазақстандық студент Томирис Байсафаның өліміне қатысты іс бойынша үкім шықты. Алқабилер соты басты күдікті Муртузали Меджидовты кінәсіз деп тапты. Осылайша Дағыстанның бұрынғы премьер-министрінің ұлы ақталып, сот залынан босатылды. Еске салайық, 2018 жылдың 13 сәуірінде Мәскеу мемлекеттік халықаралық қатынастар институтының 4-курс студенті Томирис Байсафа жұмбақ жағдайда оқу орнының төртінші қабатының терезесінен құлап кеткен. Бірнеше операция жасалғанымен, есін жимастан сол жылдың 3 мамырында қайтыс болды. Томиристің туыстары оның өзіне-өзі қол салғанына сенбейді.Марқұмның анасы Жанна Ахметованың айтуынша, істі қарау барысында бірқатар кемшіліктерге жол берілген.
Жанна Ахметова, марқұмның анасы:
Қазірден аппеляцияны қолға алдық. Енді хаттамаларды алған соң мен өз тарапымнан, прокуратура өз тарапынан аппеляцияға міндетті түрде шағым түсіреміз. Аппеляциялық сотта назар аударатын бірқатар процессуалдық кемшіліктер бар.
Индира Бегайдар
