СҚО-да екі күнде терек мамығының кесірінен 50 рет өрт шықты - «Qazaqstan» Ұлттық телеарнасы

СҚО-да екі күнде терек мамығының кесірінен 50 рет өрт шықты

08.06.2021

Теріскейде соңғы екі күнде терек мамығынан 50 рет өрт шықты. Олардың көпшілігі – облыс орталығында.

Мамандардың айтуынша өрттің шығуына сөндірілмеген темекі тұқылы, сіріңке мен отпен ойнаған балалар себепкер болып отыр. Мамықтан шыққан жалынның кесірінен бір отбасы баспанасыз қалса, екіншісінің қора-қопсысы жанып кетті. Биыл күннің ыстық әрі құрғақ болуына байланысты Қызылжарда терек мамығы тым көп. Қалалық әкімдік өкілдері теректің ұшуын басу үшін көшелерде су шашылатынын жеткізді.

Дмитрий Растихин, ТЖД басқарма бастығы:
Мамық тез тұтанады. Желмен ұшып, кез келген жерге от түсіруі мүмкін. Ұлпаның үстіне су шашып, кейін жинап алу керек. Себебі кепкеннен кейін ол қайтадан ұшады, тұтануы да мүмкін. Петропавлдағы мекеме басшыларына ғимарат аумағында темекі шегуге тыйым салуды ұсынамын.

Эльмира Кәленова

Хабарламаларға жазылу