Оралда нөсер жауыннан көшелерді су басты

Батыс Қазақстанда кеше кешкісін қатты нөсер жауып, қаланың тең жартысы жарықсыз қалды. 

Көшелер суға толып, көліктер қайықша жүзді. Бірнеше жер үй мен 40-тан астам ауланы су басқан. Электр желілерінде апат болып, тұрғындар 4 сағат бойы жарықсыз отырды. Электр қуаты болмағандықтан, су станциясы да жұмыс істемеді. Су тек таңертең берілді. Синоптиктердің айтуынша, бірнеше сағаттың ішінде бір жарым айда жауатын жаңбырдың мөлшері түскен. Қарағанды облысында да нөсер соңы бұршаққа ұласты. Аймақта екі күн жауын-шашын болатыны жайлы дауылды ескерту берілген.

Ардақ Мұратқызы