СҚО-дағы Бескөл ауылының тұрғындары судан уланған

Қызылжар іргесіндегі Бескөл халқының жаппай ауыруының себебі анықталды. Ауыз судан алынған сараптама оның ластанғанын көрсетті. Қосымша зерттеу шаралары тағайындалды. Дәрігерлердің айтуынша, диарея, құсу, дене қызуының көтерілуі сынды ауру белгілеріне шағымданушылар саны күрт артқан. Әсіресе, балалар қатты ауырып жатыр. Оларға анықталмаған энтеровирустық инфекция диагнозы қойылды. Жағдайдың ушығуына байланысты Қызылжар аудандық ауруханасында провизорлық орындар ашылған. Қазір 18 адам емделіп жатыр. Халықтың жаппай ауыру фактісіне қатысты облыстық прокуратура қылмыстық іс қозғап, тергеу жүріп жатыр.

Эльмира Кәленова