Коронавирус – жүрек-қантамыр ауруларының асқынуын жеделдетуі мүмкін

Коронавирус – жүрек-қантамыр ауруларының асқынуын жеделдетуі мүмкін. Мұндай науқастар ерекше топқа жатады. Сол себепті жүрек-қантамыр ауруларына шалдыққан азаматтарға вакцина алған жөн, дейді қызылжарлық тәжірибелі кардиохирург Мақсат Құдратоллаев. Бүгінде теріскейде 40 мыңға жуық адам коронавирусқа қарсы екпенің екі компонентін де қабылдаса, біріншісін алғандар саны 72 мыңнан асты.

Мақсат Құдратоллаев, көпсалалы аурухананың кардиология блогының жетекшісі: 
Кардиологиялық науқастардың вакцинацияның инструкциясының ішінде қарсы көрсетілімдері жоқ. Жүрек-қантамыр жүйесінің аурулары ковид-19 жұқтырған жағдайда, жағдайлары бірден ауырлап кетуі мүмкін, сосын ол науқастарды ол жағдайдан шығару өте қиын болады. Сондықтан алдын ала вакцинация өтіп, ештеңеден қорықпай өмір сүрген дұрыс болады деп ойлаймын.

Эльмира Кәленова