Бизнеске заңсыз араласқандарға жауапкершілік күшейтіледі

Қазақстанда бизнестің қызметіне заңсыз араласу әрекеті бойынша жауапкершілік күшейтіледі. Бас прокуратураның дерегіне сай, соңғы жылдары 250 рейдерлік іс тіркелген. Оның 4-еуі шетелдік заңды тұлғаларға қатысты. Бірақ, соңғы 3 жылда аталған іс бойынша 1 ғана адам жауапқа тартылған. Жақында Мәжіліс рейдерлікке қарсы күресті күшейту мәселелері бойынша тиісті құжатты бірінші оқылымда мақұлдады. Осыған сәйкес, бизнесті рейдерлік жолмен басып алуды ұйымдастырушылар мен шенеуніктер арасындағы көмекшілер де жауапқа тартылады.

Рүстем Жүрсінов, Қазақстан кәсіпкерлерінің құқығын қорғау жөніндегі уәкіл:
Рейдерлік пен кәсіпкерлік қызметке заңсыз кедергі келтіру бойынша жаңа бөлімдер енгізілді. Президент тапсырмасына сәйкес, құқықбұзушылықтарға жауапкершілік күшейтілді. Жаңашылдықтар тәжірибеде оң нәтижесін береді деп үміттенеміз.