Жаңалықтарды Telegram арнамыздан оқыңыз!Пандемиядан кейін экономиканы жаңа бағытта дамыту маңызды. Яғни, өндірістің жаңа бағыттарына басымдық беру, карантин кезінде тапшы болған мамандарды әзірлеуге ден қою керек. Сенат жанындағы Жас сарапшылар клубының отырысында осы мәселе талқыланды. Жалпы, білім беру жүйесі пандемиядан кейінгі кезеңдегі даму стратегиясының маңызды бөлігі ретінде қарастырылуы керек. Өйткені ол өнеркәсіп пен өндірістік секторды білікті кадрлармен қамтамасыз етеді. Ал бизнес пен өндірісті қолдау тұралап қалған экономиканы қалпына келтіріп қана қоймай, жылдам дамытуға мүмкіндік береді.
Мәулен Әшімбаев, ҚР Парламенті Сенатының төрағасы:
Бюджет тапшылығы ішкі және сыртқы қарыз алу есебінен қаржыландырылып отыр. Бұл жаңа проблема емес. Келесі үш жылдық кезеңге арналған бюджетті қалыптастыру кезінде осы үрдісті өзгерту қажет. Бюджет шикізаттық емес сектор мен өңдеу өнеркәсібін дамыту есебінен толықтырылуға тиіс. Ресурстарды, оның ішінде мемлекеттік ресурстарды үнемдеу еңбекті ұйымдастырудағы жаңа нысандарды қамтамасыз ете алады.
Оңғар Алпысбайұлы
