Үкімет басшысы жаңа технологиямен салынған үйдің құрылысын көрді

Премьер-Министрі Асқар Мамин елордадағы модульдік үй құрылысы технологиясы бойынша салынған алғашқы тұрғын үйге барды. Тұрғын үй кешенінің модульдік блоктары Нұр-Сұлтан қаласындағы ModeX зауытында жасалған. Кәсіпорын АҚШ, Сингапур және Германияда қолданылатын ірі блокты үй құрылысының инновациялық технологияны енгізген. Олар құрылыс мерзімін қысқартуға, оның сапасын арттыруға және тұрғын үйдің өзіндік құнын төмендетуге мүмкіндік береді. Әлем бойынша мұндай зауыттар санаулы ғана. Үкімет басшысы Нұр-Сұлтан, Алматы және Шымкент қалаларында модульдік үй құрылысын одан әрі кеңейту жөніндегі жоспарлармен танысты.

Оңғар Алпысбайұлы