Үндістан мен Қырғызстанға гуманитарлық көмек жеткізілді

Қазақстаннан Үндістанға жіберілген 40 тоннаға жуық гуманитарлық көмек діттеген жеріне жетті. Қазақстандық ұшақтар Нью-Делидегі Индира Ганди атындағы әуежайға сәтті қонды. Президент Қасым-Жомарт Тоқаевтың тапсырмасына сәйкес, індеттен зардап шегіп жатқан мемлекетке түрлі тауарлар жөнелтілген еді. Коронавируспен күрес үшін медициналық маскалар, респиратор, қорғаныш киімдері мен өкпені жасанды желдету апараттары бар. Сонымен қатар, Қырғыз елі де бізден жіберілген гуманитарлық көмектің бірінші партиясын қабылдап алды. Көрші елге темір жол арқылы 4,5 мың тонна ұн жеткізілді. Айта кетейік, Қазақстан Қырғыз еліне жиыны 10 мың тонна ұн жөнелтуді жоспарлап отыр.

Дарын Сағитов