СҚО-да тұрғындарға орманға баруға тыйым салынды

Солтүстік Қазақстан облысының тұрғындарына орманға баруға тыйым салынады. 

Аймақ басшысы Құмар Ақсақалов арнайы қаулыға қол қойды. Құжат мамырдың 22-і күшіне енеді. Өрт қауіпсіздігі талабын бұзғандар 50 айлық есептік көрсеткіш көлемінде айыппұл төлейді. Бұл жаңалық әлеуметтік желілерде қызу талқыланды. Көпшілік бұған қарсы. Жалпы өңірде жыл басынан 12 орман өрті тіркелді.

Айнар Махметова, облыстық Табиғи ресурстар басқармасының бөлім жетекшісі:
Шектеу шаралары халықтың қауіпсіздігі үшін керек. Ол жеке тұлғаларға ғана қатысты. Қаулының орындалуын қадағалау мақсатында мобильді топтар құрылды. Құрамында тәртіп сақшылары мен төтенше жағдай қызметінің мамандары жұмыс істейді.

Эльмира Кәленова