Ұлттық жоба бәсекелестікті дамыту үшін маңызды

«Бәсекелестікті дамыту жөніндегі ұлттық жоба» - мемлекеттің экономикадағы үлесін төмендетіп, кәсіпкерліктің үлесін арттыруды көздейді. Шағын және орта бизнес үшін тауар нарығын 2 трлн 600 млрд теңгеге дейін ұлғайту да жоспарда бар. Мемлекеттік және жеке операторлар қызметін, сондай-ақ цифрлық экономиканы реттеу де қарастырылған. Бұл туралы бәсекелестікті қорғау және дамыту агенттігінің өкілдері хабарлады. Ұлттық жобаға кірмеген қосымша 30-дан астам іс-шараның жоспары әзірленген. Бұл теміржол тасымалдаушыларын, байланыс операторлары мен субсидия алушылар қатарын көбейту және бизнеске қойылатын талаптарды қысқартуға қатысты шаралар. Бәсекелестікті дамытуда бұл жобалардың да үлесі зор болмақ.

Ақниет Балтанова