Сарапшы пікірі: Бензин қымбаттауы мүмкін - «Qazaqstan» Ұлттық телеарнасы

Сарапшы пікірі: Бензин қымбаттауы мүмкін

13.05.2021

Бензин тағы қымбаттауы мүмкін. Мұнайгаз саласының сарапшылары осындай болжам жасап отыр. Айтуларынша АИ-92-нің бағасы жыл соңына дейін 170 теңгеден асып, 180 теңгеге көтерілуі ықтимал. Бұған ең алдымен жанармайдың өзіндік құнының өсуі себеп. Зауыттарды жаңғыртуға кеткен шығын, теңгенің әлсіреп, логистиканың қымбаттауы да кері әсер етеді. Оның үстіне қазақстандық жанармай өзге елдердікімен салыстырғанда арзан. Мәселен басты сауда серіктесіміз Ресейде АЙ-92-нің құны 260 теңге. Мұндай диспропорция еліміздегі бағаның өсуіне әкеледі дейді экономист. Жыл басынан бері ол 11 пайызға өскен.

Арман Байғанов, экономист:
Қазақстандағы бензин бағасы бірнеше жылдан бері айтарлықтай көтерілген жоқ. Бірақ инфляцияның өсуі қымбатшылыққа әкелетіні нарық заңы. Бағаны өсірмей ұстап тұру өндіріске кері әсер етеді.

Досжан Маратұлы

Хабарламаларға жазылу