Абайтанушы Қайым Мұхамедхановтың зираты талқандалды

Семейде белгісіз біреулер атақты абайтанушы Қайым Мұхамедхановтың зиратындағы құлпытасты қиратып кеткен. Осыдан 10 жыл бұрын ақын тұрған үйдің қабырғасына қойылған ескерткіш тақтаны қаскөйлер бүлдіріп, ғұламаның бейнесі кескінделген бейіттегі мәрмар тасты бұзып, темір қоршауларын ойрандап кеткен болатын. Биыл абайтанудың негізін қалаушы, КСРО Жазушылар одағының мүшесі, қоғам қайраткері Қайым Мұхамедхановтың туғанына 105 жыл толады. Осындай айтулы дата қарсаңында ғалым зираты тағы да талқандалған. Абайтанушының қабірін қала басшылығы қалпына келтіретіндігін мәлімдеді. Семейлік ақын, алаштанушы, әрі Қайымның шәкірті Құсмілия Нұрқасым бұл оқиғаның бірінші рет емес, қайталанып отырғанына қынжылады.