Елордада экологиялық акция өтті

Бүгін Елордада «Жасыл» экономиканы қолдау және G-Global-ды дамыту Коалициясының ұйымдастыруымен экологиялық акция өтті. Оның аясында қоғам қайраткері Салтанат Рақымбекова атындағы аллеяға ағаштар отырғызылды. Шараға Парламент депутаттары, марқұмның әріптестері мен жақындары қатысты. Бұл аллея Қазақстанды ауқымды көгалдандыру мақсатында былтыр қараша айында ашылған. Экологиялық акция аясында алдағы бес жыл ішінде бүкіл республика бойынша екі миллиардтан астам ағаш отырғызу жоспарланып отыр.

Асхат Сүлейменов, «Жасыл» экономиканы қолдау коалициясының атқарушы директоры:
Жалпы, С.Темірқұлқызы өз өмірінде бір талай ағаш аллеяларын отырғызған болатын. Республика бойынша 7 жасыл орталықтар ашылды. Бұл «жасыл» экономиканы дәріптеу мақсатында ашылған орталықтар. Бір қуанарлығы бұл жобалар жалғасын табуда. Биыл біздің ұжыммен Қарағанды университеті және Қорқыт ата университетінің маңынан екі аллея ашу жаспарда бар. Сол кезде жалпы 9 орталық болады.