Жаңалықтарды Telegram арнамыздан оқыңыз!Ақтөбелік кәсіпкерлер облыстың «қызыл» аймақта болғанына қарамастан «Ashyq» жобасы бойынша жұмысын жалғастырып жатыр. Мобильді қосымша нысанға келушілердің эпидемиологиялық мәртебесін анықтап, қызметкерлермен өзге де тұтынушылардың қауіпсіздігіне кепілдік береді. Сондай-ақ, науқаспен қарым-қатынаста болған келушілерді анықтайды. Тұрғындар қосымшаны жүктеп, өзі туралы мәліметтерді толтырады. Жеке сәйкестендіру нөмірін енгізіп, кіреберістегі QR-кодты сканерлейді. ПТР ортақ базасы арқылы сол мезетте-ақ, келушінің эпидемиологиялық статусы белгілі болады. Мамандардың есебі бойынша, жаңа жобаның арқасында 200-ден астам кәсіпорын өз қызметін қайта бастауы тиіс.
Жақсыбек Кемал
