Петропавлда малды жеңіл көлікпен тасымалдаған жүргізуші жауапқа тартылды

Петропавл қаласының тұрғыны бұзауды Audi-80 жеңіл көлігінің салонына салып тасымалдаған. Оқиғаны көргендер бейнеге түсіріп, әлеуметтік желіге таратып жіберген. Көлік иесінің қылығына кейбіреулер таңырқап қараса, кейбірі оғаш қылықты қолдамаған. Нәтижесінде жол сақшылары Петропавл тұрғынын іздеп, тауыпты. Жүргізушіге жолаушы және жүк тасымалдау талаптарын орындамағаны үшін әкімшілік айыппұл салынды. Бұған қоса, түсіндірме жұмыстары жүргізілді. 

Дарын Сағитов