Депутаттар «Ashyq» қосымшасын сынға алды

«Ashyq» ақпараттық жүйесін жетілдіру керек. Мәжілісмен Снежанна Имашева Цифрлық даму, инновация және аэроғарыш өнеркәсібі министрі Бағдат Мусинге жолдаған депутаттық сауалында осындай сын айтты. Іске қосылған екі ай ішінде қолданушылар мыңдаған сыни пікір қалдырған. Қосымшаның өзінде пайдалы ақпарат жоқтың қасы. Тек тіркелу және шығу деген екі сілтеме бар. Қосымшада кіруге рұқсат етілген нысандардың тізімі жоқ. Ол жерде сіздің мәртебеңізді тексеру мүмкіндігі тағы жоқ. Мұндай қателіктер қосымшаны қолданудың мәнін жояды-дейді, депутат.

Снежанна Имашева, ҚР Парламенті Мәжілісінің депутаты:
Кезекті цифрлық қосымша азаматтардың жеке деректерін жинап жатқаны да күдік тудырады. Бұл деректердің қай мақсатта пайдаланатыны белгісіз. Министрліктің хабарлауынша, қосымша әлі күнге дейін тиісті ақпараттық қауіпсіздік тексеруден өткен жоқ. Қосымшаны жүктеп алған қолданушылар қосымшаны тіркеу және кіру кезінде қиындықтарға тап болады. 

Ғабит Бөкенбай