Өскеменде қоқыс полигоны өртеніп жатыр

Өскеменде қоқыс полигоны өртеніп жатыр. Қаланың іргесінде орналасқан қатты тұрмыстық қалдықтар алаңында бүгін түсте басталған өрт осы уақытқа дейін 600 шаршы метр аумаққа жайылған. Қазір бұл жерде арнайы техника және өрт сөндірушілер жұмыс істеуде. Облыс орталығындағы қоқыс полигоны былтыр да жанып, қала тұрғындары бір апта бойы көк түтінге тұншыққан. Мамандардың айтуынша, өртті сөндіру жұмыстарына жел көп кедергі келтіріп тұр. Өрттің шығу себебі бойынша бірнеше болжам бар.

Еркін Мамырбеков, қалалық төтенше жағдайлар басқармасы бастығының орынбасары:
Біріншісі, өз-өзінен жану. Екінші, қасақана өрт қою. Өйткені, мына жерде қоқыс теретін және басқа адамдар жүруі мүмкін. Қоқыс әкелетін техникадан ұшқын түсуі мүмкін. Үшінші, абайсызда ашық отты пайдалану.

Берік Көшербай