Жаңалықтарды Telegram арнамыздан оқыңыз!Өскемендегі жаңа үйдің қабырғасын қаптаған материал құлап жатыр. Дәл осы үйдің қабырғасы былтыр да сыр берген. 9 қабатты үйде 162 отбасы тұрады. Бірақ бұл үйден несиеге пәтер алғандардың қуанышынан гөрі өкініші басым. Себебі баспана өте сапасыз салынған. Қыс түссе суық. Жаз шықса осылай қабырғасы сөгіле береді. Жаңа үй Қазақстан ипотекалық компаниясының тапсырысымен салынған. Ал құрылысқа жауапты компания банкрот болған. Төзімі таусылған үй тұрғындары облыстық прокуратураға шағым түсірді.
Бақытбек Әміренов, қала тұрғыны:
Хат жазып бердік, осыны тексеріп, шара қолданыңыздар деп. Олар сыбайлас жемқорлыққа қарсы іс-қимыл департаментіне жіберді. Ол жақтан қылмыстық жауапкершілікке тартуға ешқандай негіз жоқ деген ресми жауап келді. Сонда мынау қылмыстық жауапкершілік емес пе?
