Енді нотариуспен рәсімделген әр құжатқа QR-код беріледі

Шілдеден бастап нотариуспен рәсімделген әр құжатқа QR-код беріледі. Бұл жөнінде Әділет вице-министрі мәлімдеп отыр.  Бұл құжатты бұрмалаудан қорғайды, әрі нотариустар біртіндеп қағаз мұрағатынан бас тартады дейді Азамат Әмірғалиев. Сондай-ақ, вице-министр 1 шілдеден бастап жылжымайтын мүлікке қатысты мәмілелерді ресімдеу кезінде «эксаумақтылық» қағидаты енгізілетінін жеткізді. Яғни бұрын жылжымайтын мүлікіңіз тек тіркелген аймақта күәландырылған болса, енді азаматтар кез келген нотариусқа жүгіне алады.

Азамат Әмірғалиев, ҚР Әділет вице-министрі:
Халыққа ыңғайлы болу үшін электрондық құжаттың қағаз құжатқа тең екендігін куәландыру бойынша нотариаттық іс-әрекеттер енгізілді. Бұл азаматтарға қажетсіз жол жүруден, поштамен және курьерлер арқылы жіберуден құтылуға мүмкіндік береді.

Ләйлә Дулатқызы