Қостанай облысында тасқын су жолды бұзып кетті

Қостанай облысында Әуликөл-Жалдама бағытындағы тас жолдың 92-ші шақырымын тасқын су бұзып кетті. Қатты ағыс көтерме жолдың астындағы суағардың жан-жағындағы топырағын шайып, үңгіп құлатқан.

Сондай-ақ Тобыл-Садчиков бағытындағы жолдың жиегі опырылып түскен. Сөйтіп екі бағытта да тәулікке жуық уақыт қатынас тоқтады. Мамандар су деңгейі төмендеген соң, бұзылған жерге топырақ үйіп, тегістеп қозғалысты қалыпқа келтіргендерін айтады. Облыс аумағындағы жолдардың тасқын қауіп төндіретін учаскелерінде кезекшілік ұйымдастырылған. 

Дәуренбек Әбдібек