Жаңалықтарды Telegram арнамыздан оқыңыз!Қостанайда әлеуметтік аз қамтылған топтарға заңсыз мүлік және жер салығы салынған. Бұл заңсыздық қалалық прокуратура жүргізген тексеріс нәтижесінде әшкереленді. Заң бойынша жетімдер мен ата-қамқорлығынан айрылғандар мүлік салығынан толық босатылады. Ал мүгедектер мен көпбалалы аналарға, жалғызбасты зейнеткерлерге меншігіндегі мүлкінің құны белгілі шектен асқан жағдайда ғана салық салынады. Мемлекеттік кірістер департаменті мамандары осыны ескермей 300-ге жуық адамды 500 мың теңге көлемінде берешек етіп қойған. Прокурордың пәрменімен бұл азаматтар енді жауапкершіліктен босатылып, мемлекет алдындағы қарызы жойылды.
Дәуренбек Әбдібек
