Жаңалықтарды Telegram арнамыздан оқыңыз!Ақмола облысы Сандықтау ауданындағы Новоникольское, Құмдыкөл, Меньшиковка ауылдарына баратын жол жоқ. Үш ауылда бір жарым мыңнан астам тұрғын бар. Көлік қатынасы өткен жетіден бері тоқтаған. Екі апта бұрын қарлы боран соғып, жолдарды басып қалған. Ал тұрғындардың алқап үстіне жол салып, қатынаудан басқа амалы қалмаған. Новоникольское мен Сандықтаудың арасы 18 шақырым. Оның 5-6 шақырымын қалыңдығы 2 метр болатын қар алып қалған. Жолды тазалап жатқан техниканың қозғалысы баяу. Күніне 600-700 метр ғана аршылады.
Вадим Миронов, Сандықтау аудандық тұрғын үй-коммуналдық шаруашылығы бөлімінің басшысы:
Жолдың екі жағынан да тазалап жатырмыз. Қар қалың және ылғалды, ауыр. Сондықтан жұмыс баяу жүруде. Қазіргі уақытта 900 метр қашықтық қалды. Жолды ертең ашамыз деп ойлаймын. Қажетті техника жұмылдырылған.
Ермек Елберген
