Түркістан облысындағы 26 елді мекенге әлі жарық берілмеген

Түркістан облысында қатты боран салдарынан бір айға жуық жарықсыз отырған ауылдар бар. Облыстық энергетика және тұрғын үй коммуналдық шаруашылық басқармасының мәліметінше, Кентау қаласы мен Ордабасы, Отырар және Бәйдібек аудандарындағы 26 елдімекен әлі күнге электр энергиясына қосылмаған. «Оңтүстік Жарық Транзит» мекемесінің 247 маманы желілерді қалпына келтіру жұмыстарын жүргізуде. Компания басшылығы барлық елдімекендерге жарық тек 10-шы сәуір күні берілетінін айтады. Ал «KEGOC» компаниясы құлап қалған 133 бағанды қалпына келтіру жұмыстың ауқымдылығына байланысты 17 сәуірге созылатынын жеткізді. Естеріңізге сала кетейік, өңірде боран соғып, 93 елді мекен жарықсыз қалған болатын.

Айнұр Ақбаева